November 22, 2026

Global Assam News

Global and Local Assam News Website

কাজিৰঙাৰ দুৰ্ঘটনাগ্ৰস্ত বাছৰ ১২টা চালান অনাদায়ী
  • বাহনখনৰ বিৰুদ্ধে ১২টা ট্ৰেফিক চালান।

  • ৩৮,৫০০ টকাৰ জৰিমনা পৰিশোধ।

  • ৪,০০০ টকাৰ জৰিমনা অনাদায়।

  • দুৰ্ঘটনাত ২৩গৰাকী লোকৰ মৃত্যু।

সমগ্ৰ সমাচাৰ সেৱা

গুৱাহাটী, ১৩ নৱেম্বৰ:কাজিৰঙাৰ ভয়ংকৰ পথ দুৰ্ঘটনাত ২৩গৰাকী লোকৰ মৃত্যুৰ পিছতে দুৰ্ঘটনাগ্ৰস্ত ট্ৰেভেলাৰ বাহনখনৰ পূৰ্বৰ ট্ৰেফিক নিয়ম উলংঘনৰ তথ্য পোহৰলৈ আহিছে। তথ্য অনুসৰি, বাহনখনৰ বিৰুদ্ধে পূৰ্বে ১২টা ট্ৰেফিক চালান জাৰি কৰা হৈছিল। ইয়াৰে ৩৮,৫০০ টকাৰ জৰিমনা পৰিশোধ কৰা হৈছিল যদিও ৪,০০০ টকাৰ আন এটা জৰিমনা এতিয়াও অনাদায় হৈ আছে।

অত্যধিক গতিবেগৰ সন্দেহ

গোলাঘাট জিলাৰ জ্যেষ্ঠ আৰক্ষী অধীক্ষক স্বপ্ননীল ডেকাই জানিবলৈ দিয়া অনুসৰি, দুৰ্ঘটনাৰ সময়ত ট্ৰেভেলাৰখন অত্যধিক গতিবেগত চলি আছিল। কাজিৰঙা ৰাষ্ট্ৰীয় উদ্যানৰ সমীপত বলৱৎ কৰা যান-বাহনৰ গতিবেগ সম্পৰ্কীয় নিষেধাজ্ঞাও বাহনখনে উলংঘা কৰাৰ অভিযোগ উত্থাপিত হৈছে। আৰক্ষীৰ প্ৰাথমিক তদন্তত চালকে নিয়ন্ত্ৰণ হেৰুৱাই কণ্টেইনাৰ ট্ৰাকখনৰ সৈতে মুখামুখি সংঘৰ্ষত লিপ্ত হোৱা বুলি সন্দেহ কৰা হৈছে।

দুৰ্ঘটনাত ২৩জনৰ মৃত্যু

শুকুৰবাৰে কাজিৰঙাৰ ৰঙাজান অঞ্চলত ১৫নং ৰাষ্ট্ৰীয় ঘাইপথত ট্ৰেভেলাৰ আৰু কণ্টেইনাৰ ট্ৰাকৰ মাজত সংঘটিত ভয়ংকৰ সংঘৰ্ষত ২৩গৰাকী লোকৰ মৃত্যু হয়। নিহতসকলৰ ভিতৰত কেইবাগৰাকীও ছাত্ৰ-ছাত্ৰী আছে। দুৰ্ঘটনাটোৰ পিছতে আৰক্ষীয়ে তদন্ত অব্যাহত ৰাখিছে।

About The Author

Leave a Reply

Your email address will not be published. Required fields are marked *