গুৱাহাটীত ৪.১ প্ৰাবল্যৰ ভূমিকম্পৰ জোকাৰ
- গুৱাহাটীত ভূমিকম্প৪.১ প্ৰাবল্য
- ভূমিকম্পৰ কেন্দ্
- উত্তৰ-পূবৰ ভূমিকম্প
সমগ্ৰ সমাচাৰ সেৱা
গুৱাহাটী, ৮ ছেপ্টেম্বৰ: মঙলবাৰে পুৱা ৯.৫৭ বজাত গুৱাহাটী আৰু ইয়াৰ দাঁতিকাষৰীয়া কেইবাটাও অঞ্চলত ভূমিকম্পৰ জোকাৰণি অনুভূত হয়। ৰিখটাৰ স্কেলত ভূমিকম্পটোৰ প্ৰাবল্য ৪.১ বুলি জানিব পৰা গৈছে।
ভূমিকম্পৰ জোকাৰণি অনুভূত হোৱাৰ পাছত আতংকিত হৈ একাংশ লোক সাৱধানতামূলকভাৱে ঘৰৰ লগতে কাৰ্যালয়ৰ পৰা বাহিৰলৈ ওলাই আহে। অৱশ্যে জোকাৰণিৰ তীব্ৰতা তুলনামূলকভাৱে কম আছিল।
১০ কিলোমিটাৰ গভীৰতাত ভূমিকম্প
ভূমিকম্পটোৰ উৎপত্তি মাটিৰ পৰা প্ৰায় ১০ কিলোমিটাৰ গভীৰতাত হোৱা বুলি জানিব পৰা গৈছে। ইয়াৰ কেন্দ্ৰ গুৱাহাটীৰ পৰা প্ৰায় ৮১ কিলোমিটাৰ পশ্চিম-দক্ষিণ-পশ্চিম দিশত অৱস্থিত আছিল।
ক্ষয়-ক্ষতিৰ খবৰ নাই
বৰ্তমানলৈকে ভূমিকম্পৰ ফলত কোনো লোক হতাহত হোৱা বা বৃহৎ পৰিমাণৰ সম্পত্তিৰ ক্ষয়-ক্ষতিৰ খবৰ পোৱা হোৱা নাই। কৰ্তৃপক্ষই পৰিস্থিতি নিৰীক্ষণ কৰি থকাৰ লগতে সম্ভাব্য পৰৱৰ্তী ভূমিকম্পৰ গতিবিধিৰ ওপৰত নজৰ ৰাখিছে।
ভূমিকম্পটোৰ কেন্দ্ৰ, গভীৰতা আৰু জোকাৰণিৰ বিস্তৃতি সন্দৰ্ভত অধিক তথ্য এতিয়াও অপেক্ষাৰত। উল্লেখযোগ্য যে অসমসহ উত্তৰ-পূৰ্বাঞ্চল ভূমিকম্পপ্ৰৱণ অঞ্চল হিচাপে পৰিচিত।
About The Author
