November 21, 2026

Global Assam News

Global and Local Assam News Website

চাইবাৰ অপৰাধৰ সন্দেহত গোলকগঞ্জত যুৱক গ্ৰেপ্তাৰ
  • গোলকগঞ্জত এজন যুৱক গ্ৰেপ্তাৰ।

  • SBI একাউণ্টত লাখ লাখ টকাৰ সন্দেহজনক লেনদেন।

  • BNSৰ সাতটা ধাৰাত গোচৰ ৰুজু।

  • চাইবাৰ অপৰাধী চক্ৰৰ সন্ধানত আৰক্ষীৰ তদন্ত।

সমগ্ৰ সমাচাৰ সেৱা

ধুবুৰী, ১৩ নৱেম্বৰ:চাইবাৰ অপৰাধৰ সৈতে জড়িত সন্দেহজনক বেংক লেনদেনৰ অভিযোগত ধুবুৰী জিলাৰ গোলকগঞ্জ আৰক্ষীয়ে এজন যুৱকক গ্ৰেপ্তাৰ কৰিছে। গ্ৰেপ্তাৰ কৰা যুৱকজনক দেৱোত্তৰ হাছদাহা পাৰ্ট-৫ গাঁৱৰ বিকাশ চন্দ্ৰ ৰয় বুলি চিনাক্ত কৰা হৈছে।

আৰক্ষীৰ তথ্য অনুসৰি, যুৱকজনৰ ষ্টেট বেংক অৱ ইণ্ডিয়া (SBI)ৰ একাউণ্টৰ জৰিয়তে লাখ লাখ টকাৰ সন্দেহজনক লেনদেন সংঘটিত হৈছিল। এই তথ্যৰ ভিত্তিত আৰক্ষীয়ে অভিযান চলাই তেওঁক আটক কৰে।

সাতটা ধাৰাত গোচৰ ৰুজু

ঘটনা সন্দৰ্ভত গোলকগঞ্জ থানাত ২৮৪/২০২৬ নম্বৰৰ এটা গোচৰ ৰুজু কৰা হৈছে। ভাৰতীয় ন্যায় সংহিতাৰ ১১২, ৩১৮(৪), ৩১৯(২), ৩১৭(২), ৩৩৬(৩), ৩৪০(২) আৰু ৬১(২) ধাৰাত গোচৰটো পঞ্জীয়ন কৰা হৈছে।

আৰক্ষীৰ জিম্মাত অভিযুক্ত

গ্ৰেপ্তাৰৰ পিছত অভিযুক্ত যুৱকজনক আদালতত হাজিৰ কৰোৱা হয়। আদালতে অধিক সোধা-পোছাৰ বাবে তেওঁক আৰক্ষীৰ জিম্মালৈ প্ৰেৰণ কৰে। এই সন্দেহজনক লেনদেনৰ আঁৰত বৃহৎ চাইবাৰ অপৰাধী চক্ৰ জড়িত আছে নেকি আৰু আন কোনো লোকৰ সম্পৰ্ক আছে নেকি, সেই সন্দৰ্ভত আৰক্ষীয়ে তদন্ত অব্যাহত ৰাখিছে।

About The Author

Leave a Reply

Your email address will not be published. Required fields are marked *