১৭ বছৰীয়া ৰিকিৰ ৫,০০০ কিমি চাইকেল যাত্ৰা জন্তু সুৰক্ষাৰ বাবে

 সমগ্ৰ সংবাদ সেৱা

গুৱাহাটী, ১৩ জুলাই : জন্তু সুৰক্ষাৰ সংকল্প লৈ মৰিয়ানিৰ যুৱক ৰিকি ফুকান নিজৰ প্ৰিয় কুকুৰ ‘পা’ লৈ ৫,০০০ কিমি চাইকেল যাত্ৰা সম্পন্ন কৰি ঘৰলৈ ঘূৰি আহিছে। ১৭ বছৰীয়া ৰিকিয়ে কেৱল এটা চাইকেল, এখন তাঁবু আৰু ‘পা’ক লৈ ৪ মাহৰ ভিতৰত অসমৰ মৰিয়ানি, জোৰহাটৰ পৰা কেদাৰনাথলৈ আৰু পুনৰ ঘৰলৈ উভতি আহে।

রিকিয়ে যাত্ৰা আৰম্ভ কৰিছিল ১০ এপ্ৰিল তাৰিখে। প্ৰাথমিক শিবিৰ সামগ্ৰী আৰু সীমিত ধনৰ সামগ্ৰী লৈ, ৪৫ দিনত কেদাৰনাথত উপনীত হয় আৰু পিছত একে পথেদি অসমলৈ উভতি আহে। যাত্ৰাৰ মাজত পেট্ৰ’ল পাম্প, মন্দিৰ আদিত তাঁবু পাতি ৰাতি কটাইছিল।

তেওঁ কয়, “এই যাত্ৰাত বহু মানুহে সহায় কৰিছে। বিহাৰ, উত্তৰ প্ৰদেশত বিশেষকৈ অতিথিপৰায়ণতা পাইছিলোঁ।” ৰিকিয়ে উল্লেখ কৰে, যাত্ৰাৰ মূল উদ্দেশ্য আছিল অসম তথা মৰিয়ানিত অধিক কুকুৰ আশ্ৰয়স্থল স্থাপনৰ বাবে জনসচেতনতা বৃদ্ধি কৰা।

চাইকেলত ৫,০০০ কিমি পথ অতিক্রম কৰি ঘৰলৈ উভতি অহা ৰিকিক মৰিয়ানি তথা শুভাকাঙ্ক্ষী সকলে সাহসিকতা, অধ্যৱসায় আৰু স্বপ্ন পূৰণৰ উৎসাহৰ ৰূপত চিহ্নিত কৰিছে।