November 22, 2026

Global Assam News

Global and Local Assam News Website

নগাঁৱৰ ৮৮খন শিক্ষানুষ্ঠানত ১,২৮৮টা ভুৱা নামভৰ্তি চিনাক্ত

নগাঁৱৰ ৮৮খন শিক্ষানুষ্ঠানত ১,২৮৮টা ভুৱা নামভৰ্তি চিনাক্ত
  • ৮৮খন শিক্ষানুষ্ঠানত ভুৱা নামভৰ্তি চিনাক্ত।
  • মুঠ ১,২৮৮গৰাকী শিক্ষাৰ্থী তদন্তৰ আওতাত।
  • তিনিদিনৰ ভিতৰত গোচৰ ৰুজুৰ নিৰ্দেশ।
  • চিআইডিয়ে আৰম্ভ কৰিছে তদন্ত।

সমগ্ৰ সমাচাৰ সেৱা

নগাঁও, ১৩ নৱেম্বৰ:অসমৰ শিক্ষা ক্ষেত্ৰত পোহৰলৈ আহিছে এক বৃহৎ জালিয়াতিৰ ঘটনা। নগাঁও জিলাৰ ৮৮খন শিক্ষানুষ্ঠানত ভুৱা দশম শ্ৰেণীৰ উত্তীৰ্ণৰ প্ৰমাণপত্ৰ ব্যৱহাৰ কৰি ১,২৮৮গৰাকী শিক্ষাৰ্থীয়ে একাদশ আৰু দ্বাদশ শ্ৰেণীত নামভৰ্তি কৰাৰ তথ্য চিনাক্ত হৈছে।

অসম ৰাজ্যিক বিদ্যালয় শিক্ষা পৰিষদৰ (ASSEB) দ্বিতীয় সংমণ্ডলে কৰা পৰীক্ষণত এই অনিয়ম ধৰা পৰে। ২০২৫-২৬ আৰু ২০২৬-২৭ শিক্ষাবৰ্ষত এই নামভৰ্তিসমূহ কৰা হৈছিল।

তিনিদিনৰ ভিতৰত গোচৰ ৰুজু কৰাৰ নিৰ্দেশ

এই ঘটনাৰ পিছতে নগাঁও সংমণ্ডলৰ বিদ্যালয়সমূহৰ পৰিদৰ্শক নৰ্মদা চেতিয়াই সংশ্লিষ্ট ৮৮খন শিক্ষানুষ্ঠানৰ মুৰব্বীসকলক তিনিদিনৰ ভিতৰত আৰক্ষী থানাত গোচৰ ৰুজু কৰিবলৈ নিৰ্দেশ দিছে। ভুৱা প্ৰমাণপত্ৰ প্ৰস্তুত কৰা চক্ৰ আৰু ইয়াৰ সৈতে জড়িত দালালসকলৰ বিৰুদ্ধেও আইনী ব্যৱস্থা গ্ৰহণৰ নিৰ্দেশ দিয়া হৈছে।

চিআইডিৰ তদন্ত অব্যাহত

ইতিমধ্যে অসম আৰক্ষীৰ অপৰাধ অনুসন্ধান বিভাগে (CID) সমগ্ৰ ঘটনাৰ তদন্ত আৰম্ভ কৰিছে। শিক্ষামন্ত্ৰী ডাঃ ৰণোজ পেগুৱে জানিবলৈ দিয়া অনুসৰি, তদন্তত প্ৰমাণপত্ৰসমূহ ভুৱা বুলি প্ৰমাণিত হ’লে সংশ্লিষ্ট শিক্ষাৰ্থীসকলৰ নামভৰ্তি বাতিল কৰা হ’ব।

About The Author

Leave a Reply

Your email address will not be published. Required fields are marked *