লাডাখত আৰম্ভ হেমিছ উৎসৱ ২০২৬

লাডাখৰ লেহস্থিত ঐতিহাসিক হেমিছ মঠত আৰম্ভ হ’ল হেমিছ উৎসৱ ২০২৬।
দুদিনীয়া এই উৎসৱত হাজাৰ হাজাৰ ভক্ত, পৰ্যটক, সাংস্কৃতিক অনুৰাগী আৰু বৌদ্ধ গৱেষকে অংশগ্ৰহণ।
উদ্বোধনী অনুষ্ঠানত উপস্থিত থাকে লাডাখৰ লেফটেনেণ্ট গৱৰ্ণৰ ভি. কে. ছাক্সেনা।
পৰম্পৰাগত ধৰ্মীয় আচাৰ-অনুষ্ঠান, প্ৰাৰ্থনা আৰু পৱিত্ৰ ‘চাম’ মুখা-নৃত্যই উৎসৱৰ মূল আকৰ্ষণ।
ভাৰতৰ লগতে বিদেশৰ বিভিন্ন প্ৰান্তৰ অতিথিসকলৰ সমাগমে উৎসৱস্থলী মুখৰিত কৰি তোলে।
ঐতিহাসিক হেমিছ মঠত উৎসৱৰ শুভাৰম্ভ

ঐতিহাসিক হেমিছ মঠত ভক্তি, সংস্কৃতি আৰু পৰম্পৰাৰ মহামিলন

সমগ্ৰ সমাচাৰ সেৱা
লাডাখ, ২৫ জুন: লাডাখৰ লেহ জিলাৰ ঐতিহাসিক হেমিছ মঠত বৃহৎ উৎসাহ আৰু ভক্তিভাৱে আৰম্ভ হৈছে হেমিছ উৎসৱ ২০২৬। দুদিনীয়া এই বৌদ্ধ ধৰ্মীয় আৰু সাংস্কৃতিক উৎসৱত দেশ-বিদেশৰ হাজাৰ হাজাৰ ভক্ত, পৰ্যটক, সাংস্কৃতিক অনুৰাগী আৰু বৌদ্ধ গৱেষকে অংশগ্ৰহণ কৰিছে।

উদ্বোধনী অনুষ্ঠানত ভি. কে. ছাক্সেনাৰ উপস্থিতি
উৎসৱৰ উদ্বোধনী দিনটোত লাডাখৰ লেফটেনেণ্ট গৱৰ্ণৰ ভি. কে. ছাক্সেনা উপস্থিত থাকি অনুষ্ঠানৰ গৌৰৱ বৃদ্ধি কৰে। তেওঁ হেমিছ মঠৰ সমৃদ্ধ আধ্যাত্মিক আৰু সাংস্কৃতিক ঐতিহ্যৰ প্ৰশংসা কৰি এই উৎসৱে বৌদ্ধ ধৰ্মৰ মূল্যবোধ আৰু লাডাখৰ সংস্কৃতিক বিশ্বদৰবাৰত অধিক পৰিচিত কৰি তোলাৰ কথা উল্লেখ কৰে।

ধৰ্মীয় আচাৰ-অনুষ্ঠান আৰু পৱিত্ৰ চাম নৃত্য
উৎসৱৰ আৰম্ভণি হয় পৰম্পৰাগত ধৰ্মীয় আচাৰ-অনুষ্ঠান, বিশেষ প্ৰাৰ্থনা আৰু পূজাৰ জৰিয়তে। ইয়াৰ লগতে হেমিছ মঠৰ সন্ন্যাসীসকলে পৰিৱেশন কৰা পৱিত্ৰ ‘চাম’ মুখা-নৃত্য দৰ্শকৰ বিশেষ আকৰ্ষণৰ কেন্দ্ৰবিন্দু হৈ পৰে। এই নৃত্য বৌদ্ধ ধৰ্মৰ আধ্যাত্মিক শিক্ষা আৰু শুভ শক্তিৰ বিজয়ৰ প্ৰতীক হিচাপে গণ্য কৰা হয়।

দেশ-বিদেশৰ পৰ্যটকৰ সমাগম
প্ৰতি বছৰে আয়োজন কৰা হেমিছ উৎসৱ লাডাখৰ অন্যতম জনপ্ৰিয় সাংস্কৃতিক অনুষ্ঠান। এইবাৰো ভাৰতৰ বিভিন্ন ৰাজ্যৰ লগতে বিদেশৰ বহু পৰ্যটক আৰু গৱেষকে উৎসৱত অংশগ্ৰহণ কৰিছে। ভক্তি, সংস্কৃতি আৰু পৰম্পৰাৰ অনন্য সমন্বয়েৰে হেমিছ উৎসৱে লাডাখৰ ঐতিহ্যক পুনৰ এবাৰ বিশ্বমঞ্চত উজলাই তুলিছে।