গুৱাহাটী চেটেলাইট চিটি প্ৰকল্পত আদানি বা আম্বানিৰ ভূমিকা নাই

• গুৱাহাটী চেটেলাইট চিটি প্ৰকল্পত কোনো ব্যক্তিগত কোম্পানীৰ, বিশেষকৈ আদানি বা আম্বানিৰ, কোনো ভূমিকা নাই।
• প্ৰকল্পটো সম্পূৰ্ণ চৰকাৰী উদ্যোগ আৰু গুৱাহাটী চেটেলাইট চিটি ডেভেলপমেণ্ট অথৰিটী দ্বাৰা উন্নয়ন কৰা হ’ব।
• ভূমি অধিকৰণ প্ৰায় সম্পূৰ্ণ আৰু জমি-মালিকৰ অনুমতিক্ৰমে কৰা হৈছে, ১৬ গাঁও উচ্ছেদৰ অভিযোগ অস্বীকাৰ।
• মুখ্যমন্ত্ৰীয়ে কয়, বৃহৎ বিনিয়োগ আহাৰ সহজ নহয়, কিন্তু আহিলে অসমৰ উন্নয়নত সহায় কৰিব।

সমগ্ৰ সমাচাৰ  সেৱা
গুৱাহাটী, ৫ জুলাই: অসম চৰকাৰৰ মন্ত্রীমণ্ডলীয় বৈঠকৰ পাছত মুখ্যমন্ত্ৰী হিমন্ত বিশ্ব শৰ্মাই গুৱাহাটী চেটেলাইট চিটি প্ৰকল্প সন্দৰ্ভত উদ্ভৱ হোৱা বিভ্ৰান্তি আঁতৰাবলৈ ঘোষণা কৰে যে, এই প্ৰকল্প সম্পূৰ্ণ চৰকাৰী উদ্যোগ আৰু কোনো ব্যক্তিগত উদ্যোগ বা বৃহৎ উদ্যোগপতিৰ লগত কোনো সম্পৰ্ক নাই।

সৰ্বসাধাৰণ সংবাদমেলত মুখ্যমন্ত্ৰীয়ে কয়, “চেটেলাইট চিটিৰ বাবে আদানি বা আম্বানিৰ নাম উত্থাপিত হৈছে, কিন্তু এইটো সম্পূৰ্ণ ভুল। এই প্ৰকল্প গুৱাহাটী চেটেলাইট চিটি ডেভেলপমেণ্ট অথৰিটি দ্বাৰা উন্নয়ন কৰা হ’ব। কোনো ব্যক্তিগত কোম্পানীৰ সম্পৃক্ততা নাই।” নতুন অথৰিটীখনৰ সভাপতি মুখ্যমন্ত্ৰী নিজেই হ’ব আৰু মুখ্য সচিবে কাৰ্যবাহী কমিটীৰ সভাপতি হ’ব বুলি তেওঁ জাননী দিয়ে।

মুখ্যমন্ত্ৰীয়ে স্পষ্টকৈ কয়, “অসমত আদানি বা আম্বানিৰ লগত বিনিয়োগৰ সম্ভাৱনা সৰল নহয়। গুজৰাট, মহাৰাষ্ট্র বা ওড়িশাৰ দৰে প্ৰাকৃতিক সম্পদ থকা ৰাজ্যত তেওঁলোকে বিনিয়োগ কৰে, কিন্তু অসমত সেয়া সহজ নহয়। আমি আমন্ত্ৰণ দিম, তেওঁলোকে আহিব নোৱাৰিলে কি কৰিব পাৰিম?”

প্ৰতিবাদৰ প্ৰসংগত মুখ্যমন্ত্ৰীয়ে কয়, “চেটেলাইট চিটি প্ৰকল্পৰ বাবে ৰানীৰ ১৬টা গাঁও উচ্ছেদ কৰা হ’ব বুলি কোনো পৰিকল্পনা নাই। এই প্রকল্পটো বিমানবন্দৰৰ কাষত, মোৰ জলুকবাৰী বিধানসভা সমষ্টিৰ ভিতৰত। ভূমি অধিকৰণ প্ৰায় সম্পূৰ্ণ হৈছে আৰু জমি-মালিকৰ সন্মতিতেই কৰা হৈছে।”

তেওঁয়ে কয়, “আমি প্ৰায় ৮০টা অভিযোগ পাইছোঁ, তাৰ ভিতৰত ৬০ জন অভিযোগকাৰীয়ে সাক্ষাৎলৈ সন্মতি জনাইছে।