নেপালৰ বাবে ‘ভইচ ফাৰ্ষ্ট’ ভাষা অনুবাদ প্লেটফৰ্ম গঢ়িবলৈ ভাশিনী–কাঠমান্ডু বিশ্ববিদ্যালয়ৰ চুক্তি

ডিজিটেল ইণ্ডিয়া ভাশিনী আৰু কাঠমান্ডু বিশ্ববিদ্যালয়ৰ মাজত গুৰুত্বপূৰ্ণ MoU স্বাক্ষৰ।
নেপালৰ বাবে ‘Voice First’ ভাষা অনুবাদভিত্তিক ৰাষ্ট্ৰীয় ডিজিটেল অবকাঠামো গঢ়ি তোলাৰ লক্ষ্য।
নেপালী ভাষাৰ উচ্চমানৰ ডাটাছেট, স্পীচ কৰ্পাছ আৰু বহুভাষিক AI সম্পদ উন্নয়নত যৌথভাৱে কাম কৰা হ’ব।
স্পীচ-টু-টেক্সট, টেক্সট-টু-স্পীচ, মেচিন অনুবাদ আৰু বহুভাষিক কথোপকথনমূলক AI বিকাশত গুৰুত্ব।
NLP, বহুভাষিক AI আৰু ডিজিটেল পাব্লিক ইনফ্ৰাষ্ট্ৰাকচাৰৰ ক্ষেত্ৰত গৱেষণা, প্ৰশিক্ষণ আৰু পাইলট প্ৰকল্প ৰূপায়ণৰ পৰিকল্পনা।

ভাশিনী আৰু কাঠমান্ডু বিশ্ববিদ্যালয়ৰ মাজত সহযোগিতা

সমগ্ৰ সমাচাৰ সেৱা
নেপাল, ৭ জুন: ডিজিটেল ইণ্ডিয়াৰ অধীনস্থ ভাশিনী (BHASHINI) আৰু কাঠমান্ডু বিশ্ববিদ্যালয় (Kathmandu University)-এ নেপালৰ বাবে ‘Voice First’ ভাষা অনুবাদ প্লেটফৰ্ম গঢ়ি তোলাৰ উদ্দেশ্যে এক বুজাবুজি চুক্তি (MoU) স্বাক্ষৰ কৰিছে। এই চুক্তিৰ জৰিয়তে দুয়োটা প্ৰতিষ্ঠানে ভাষাভিত্তিক ডিজিটেল অবকাঠামো উন্নয়নৰ ক্ষেত্ৰত একেলগে কাম কৰিব।

চুক্তি অনুসৰি, নেপালী ভাষাৰ উচ্চমানৰ ডাটাছেট, স্পীচ কৰ্পাছ আৰু বহুভাষিক কৃত্ৰিম বুদ্ধিমত্তা (AI) সম্পদ সৃষ্টি আৰু উন্নয়নত দুয়োপক্ষই সহযোগিতা আগবঢ়াব। ইয়াৰ অন্তৰ্গত থাকিব—
কথনক লিখিত ৰূপলৈ ৰূপান্তৰ, লিখিত তথ্যক কণ্ঠস্বৰলৈ ৰূপান্তৰ, যন্ত্ৰভিত্তিক ভাষা অনুবাদ, বহুভাষিক কথোপকথনমূলক AI

MoU-খনত Natural Language Processing (NLP), বহুভাষিক AI আৰু Digital Public Infrastructure-ৰ ক্ষেত্ৰত যৌথ গৱেষণা, দক্ষতা বিকাশ, প্ৰশিক্ষণ কাৰ্যসূচী আৰু পাইলট প্ৰকল্প চলোৱাৰ কথাও উল্লেখ কৰা হৈছে।

এই সহযোগিতাৰ জৰিয়তে ভাৰত আৰু নেপালৰ বিশ্ববিদ্যালয়, গৱেষক, ভাষা বিশেষজ্ঞ আৰু প্ৰযুক্তিবিদসকলক এক উমৈহতীয়া মঞ্চত একত্ৰিত কৰি ভাষা-প্ৰযুক্তি ক্ষেত্ৰত নতুন সম্ভাৱনাৰ দুৱাৰ মুকলি হ’ব বুলি আশা কৰা হৈছে।

বিশেষজ্ঞসকলৰ মতে, এই চুক্তিয়ে দক্ষিণ এছিয়াত ভাষাভিত্তিক ডিজিটেল উদ্ভাৱন আৰু অন্তৰ্ভুক্তিমূলক প্ৰযুক্তি বিকাশৰ ক্ষেত্ৰত এক নতুন অধ্যায় সূচনা কৰিব। নেপালৰ বিভিন্ন ভাষাভাষী জনগোষ্ঠীৰ বাবে সহজ, সুলভ আৰু অধিক কাৰ্যকৰী ডিজিটেল সেৱা প্ৰদানত এই পদক্ষেপে উল্লেখযোগ্য ভূমিকা পালন কৰিব।