November 22, 2026

Global Assam News

Global and Local Assam News Website

কনকলতা বিশ্ববিদ্যালয়ৰ নিৰ্মাণকাৰ্য পৰ্যালোচনা মুখ্যমন্ত্ৰীৰ
  • বিশ্ববিদ্যালয়ৰ নিৰ্মাণকাৰ্য ২৫ শতাংশ সম্পূৰ্ণ।

  • শৈক্ষিক ভৱন আৰু ছাত্ৰাবাস নিৰ্মাণ ক্ষিপ্ৰ কৰাৰ নিৰ্দেশ।

  • NH-15ৰ পৰা চাৰিলেনযুক্ত পথৰ পৰিকল্পনা।

  • দ্বিতীয় পৰ্যায়ৰ বাবে DPR প্ৰস্তুতৰ নিৰ্দেশ।

সমগ্ৰ সমাচাৰ সেৱা

গহপুৰ, ১৩ নৱেম্বৰ:বিশ্বনাথ জিলাৰ গহপুৰৰ ভোলাগুৰি চাহ বাগিচাত নিৰ্মাণৰত শ্বহীদ কনকলতা বৰুৱা ৰাজ্যিক বিশ্ববিদ্যালয়ৰ নিৰ্মাণকাৰ্যৰ অগ্ৰগতি পৰ্যালোচনা কৰে মুখ্যমন্ত্ৰী ড° হিমন্ত বিশ্ব শৰ্মাই। ১৩ নৱেম্বৰত বিশ্ববিদ্যালয় চৌহদ পৰিদৰ্শন কৰি তেওঁ নিৰ্মাণকাৰ্য অধিক ক্ষিপ্ৰ কৰাৰ বাবে সংশ্লিষ্ট বিষয়াসকলক নিৰ্দেশ দিয়ে।

বৰ্তমান বিশ্ববিদ্যালয়খনৰ নিৰ্মাণকাৰ্য ২৫ শতাংশ সম্পূৰ্ণ হৈছে।

শৈক্ষিক ভৱন আৰু ছাত্ৰাবাস নিৰ্মাণত গুৰুত্ব

মুখ্যমন্ত্ৰীয়ে শৈক্ষিক ভৱন, ছাত্ৰ আৰু ছাত্ৰীৰ বাবে পৃথক আৱাসগৃহ তথা কৰ্মচাৰীৰ আৱাস নিৰ্মাণৰ কাম ক্ষিপ্ৰ কৰাৰ নিৰ্দেশ দিয়ে। লগতে বিশ্ববিদ্যালয়খনৰ দ্বিতীয় পৰ্যায়ৰ নিৰ্মাণৰ বাবে বিতং প্ৰকল্প প্ৰতিবেদন (DPR) প্ৰস্তুত কৰিবলৈও বিষয়াসকলক কয়।

উন্নত যাতায়াত আৰু সেউজীয়া চৌহদৰ পৰিকল্পনা

বিশ্ববিদ্যালয়খনৰ সৈতে উন্নত যোগাযোগ ব্যৱস্থা গঢ়ি তোলাৰ ওপৰতো মুখ্যমন্ত্ৰীয়ে গুৰুত্ব আৰোপ কৰে। ৰাষ্ট্ৰীয় ঘাইপথ-১৫ৰ পৰা বিশ্ববিদ্যালয়লৈ চাৰিলেনযুক্ত পথ নিৰ্মাণ আৰু এখন ৰে’লৱে অভাৰব্ৰিজ নিৰ্মাণৰ পৰিকল্পনা গ্ৰহণৰ নিৰ্দেশ দিয়ে।

ইয়াৰ উপৰি বিশ্ববিদ্যালয় চৌহদটো পৰিৱেশ অনুকূল আৰু বহনক্ষম শিক্ষাকেন্দ্ৰ হিচাপে গঢ়ি তোলাৰ বাবে বিস্তৃত পৰিকল্পনা প্ৰস্তুত কৰিবলৈও তেওঁ নিৰ্দেশ দিয়ে। বিশ্ববিদ্যালয়খনত Industry 4.0-ৰ সৈতে সংগতি থকা পাঠ্যক্ৰমৰ ব্যৱস্থা কৰাৰ পৰিকল্পনা কৰা হৈছে।

About The Author

Leave a Reply

Your email address will not be published. Required fields are marked *