বাংলাদেশ : অসম-বাংলাদেশ সীমান্তৰ ৪.৩৫ কিমি বাৰৰ কাম অসম্পূৰ্ণ

বাংলাদেশৰ আপত্তিৰ বাবে ৪.৩৫ কিমি সীমান্তত বাৰৰ কাম স্থগিত
৩৪.৬০৯ কিমি নদীমুখ সীমান্তও অপৰিসীম, BSF-এ আধুনিক প্ৰযুক্তিৰে নিৰীক্ষণ কৰে
২২৮.৫৪১ কিমি সীমান্তত বারের কাম সম্পূৰ্ণ
কেন্দ্ৰই সীমান্তত শক্তিশালী নিৰীক্ষণ ব্যৱস্থা স্থাপন কৰিব বুলি ঘোষণা

সমগ্ৰ সমাচাৰ সেৱা

গুৱাহাটী ,৭ জুলাই : অসম চৰকাৰে বিধানসভাত জনাইছে যে বাংলাদেশৰ আপত্তিৰ বাবে ৪.৩৫ কিমি সীমান্তত বাৰৰ কাম অসম্পূৰ্ণ, আৰু ৩৪.৬০৯ কিমি নদীমুখ সীমান্তত BSF আধুনিক প্ৰযুক্তি আৰু নাও টহলীৰে নিৰীক্ষণ কৰি আছে।

অসম চৰকাৰে সোমবাৰে বিধানসভাত জনাইছে যে সীমান্ত ৰক্ষা বাহিনী বাংলাদেশ (BGB)-এ আপত্তি জনোৱাৰ বাবে অসম-বাংলাদেশ সীমান্তৰ ৪.৩৫ কিমি অংশত এতিয়াও বাৰৰ কাম সম্পন্ন হোৱা নাই। আনহাতে, ৩৪.৬০৯ কিমি সীমান্ত নদীমুখ অঞ্চলত পৰে, য’ত বাৰ দিব নোৱাৰি।সীমান্ত সুৰক্ষা আৰু উন্নয়ন মন্ত্ৰী অতুল বৰাই কয় যে অসম-বাংলাদেশ মুঠ ২৬৭.৫ কিমি ভূমি সীমান্তৰ ভিতৰত ২২৮.৫৪১ কিমি অংশত কাঁটাতাৰ বাৰৰ কাম সম্পন্ন হৈছে।

এই সীমান্ত ধুবুৰী, দক্ষিণ সালমৰা-মনকাচৰ, কাচাৰ আৰু শ্রীভূমি জিলাত বিস্তৃত।বৰাই জনাই যে শ্রীভূমি জিলাৰ কুশিয়ারা নদীৰ কাষত ভাৰতীয় নাগৰিক থাকে, য’ত BGB-এ আপত্তি জনোৱাৰ বাবে বাৰ দিব পৰা হোৱা নাই। লগতে, ধুবুৰীত ৩০.৩৭ কিমি আৰু দক্ষিণ সালমৰা-মনকাচৰত ৪.২৩৯ কিমি নদীমুখ অঞ্চলত বাৰ দিব পৰা হোৱা নাই।এই নদীমুখ অঞ্চলসমূহত সীমান্ত সুৰক্ষা বাহিনী (BSF)-এ আধুনিক CIBMS প্ৰণালী আৰু নাও টহলীৰে সীমান্ত নিৰীক্ষণ কৰি আছে। কেন্দ্ৰীয় গৃহ মন্ত্ৰী অমিত শ্বাহে ইতিমধ্যে ঘোষণা কৰিছে যে ৬,০০০ কিমি পাকিস্তান আৰু বাংলাদেশ সীমান্তত শীঘ্ৰে উন্নত প্ৰযুক্তিয়ে সুৰক্ষা গঢ়ি তুলিব।