প্ৰাথমিক শিক্ষকসকলৰ OPS দাবীত উত্তেজনা, NPS-UPSক অসম্পূর্ণ বুলি প্ৰতিবাদ

প্ৰাথমিক শিক্ষকসকলৰ OPS দাবীত উত্তেজনা, NPS-UPSক অসম্পূর্ণ বুলি প্ৰতিবা
মুখ্যমন্ত্ৰীৰ NPS-UPSক সমৰ্থন কৰা বক্তব্যৰ প্ৰতিবাদ, OPS পুনৰুদ্ধাৰৰ দাবী
অসুস্থ ছুটীৰ ভাতা অমুকলি ৰখাৰ অভিযোগ, ৭ মাস ধৰি বকেয়া
শিক্ষক সংঘৰ হুঁশিয়াৰী, দাবী নুমানিলে প্ৰতিবাদী আন্দোলন
বিত্ত মন্ত্ৰীয়ে OPS চালু কৰিবলৈ পদক্ষেপ চলি আছে বুলি বিধানসভাত জনালে

সমগ্র সমাচাৰ সেৱা,

গুৱাহাটী, ১৬ জুলাই: অসম ৰাজ্যিক প্ৰাথমিক শিক্ষক সংঘই মুখ্যমন্ত্ৰী ড° হিমন্ত বিশ্ব শৰ্মাৰ NPS (National Pension Scheme) আৰু UPS (Unified Pension Scheme)-ক সমৰ্থন কৰা বক্তব্যৰ তীব্ৰ প্ৰতিবাদ জনাইছে। শিক্ষকসকলে Old Pension Scheme (OPS) পুনৰ চালু কৰাৰ দাবীত অনড় আছে আৰু অসুস্থ ছুটীৰ বকেয়া ভাতা মুক্তি নকৰিলে প্ৰতিবাদী আন্দোলনৰ হুঁশিয়াৰী দিয়াছে।সংঘৰ সদস্য ৰতুল চন্দ্ৰ গোস্বামী সংবাদমাধ্যমক কয়, “অসুস্থ ছুটীৰ ভাতা কোনো দান নহয়, এইটো শিক্ষক আৰু কৰ্মচাৰীৰ অধিকাৰ। জানুৱাৰীৰ পৰা ইয়াৰ বকেয়া আছে। তৎকালিক মুক্তি নোপোৱা পৰ্যন্ত আমি প্ৰতিবাদী আন্দোলনত নামিম।”অনুষ্ঠানত শিক্ষকসকলে স্পষ্ট কৰে, তেওঁলোকে NPS আৰু UPS দুয়োটাক বিৰোধিতা কৰি কেৱল OPSক গ্ৰহণযোগ্য বুলি মানে। তেওঁলোকৰ মতে, NPSত নিযুক্ত ১.৫ লাখৰো অধিক চৰকাৰী কৰ্মচাৰী থাকিলেও, বহু শিক্ষক-কর্মচাৰীয়ে OPS-ৰ দাবী অব্যাহত ৰাখিছে।উল্লেখযোগ্য যে, মুখ্যমন্ত্ৰী ড° শৰ্মাই বাজেট আলোচনাত NPS বজাই থকাৰ সিদ্ধান্তক সমৰ্থন কৰি, কৰ্মচাৰীয়ে ইচ্ছা কৰিলে UPS-ত স্থানান্তৰ কৰাৰ সুবিধা দিব বুলি জনাইছিল। বিত্ত মন্ত্ৰী জয়ন্ত মল্লবৰুৱাই OPSৰ ক্ষেত্ৰত পদক্ষেপ চলি আছে বুলি বিধানসভাত জানিবলৈ দিয়ে; লগতে দৰমহা, DA-DR বৃদ্ধিৰ কথাও উল্লেখ কৰে।শিক্ষক সংগঠনে OPS পুনৰ চালু আৰু অসুস্থ ছুটীৰ ভাতা মুক্তি নোহোৱালৈ আন্দোলন জাৰি ৰাখিব বুলি স্পষ্ট কৰিছে।