বঙাইগাঁৱত ছাত্ৰী নিৰ্যাতনৰ অপবাদত প্ৰতিবাদ, মাদ্ৰাছাত ব্যাপক ভাঙচুৰ

সমগ্র সমাচাৰ সেৱা

বঙাইগাঁও, ১৫ জুলাই:বঙাইগাঁও জিলাৰ মালেগড়স্থিত ইশৱাতুল উলুম মাদ্ৰাছাত ছাত্ৰী এজনীৰ ওপৰত শিক্ষক আমিনুল ইসলামৰ দ্বাৰা দীৰ্ঘদিন ধৰি যৌন নিৰ্যাতনৰ অভিযোগ উত্থাপিত হোৱাৰ পিছত অঞ্চলটোত ব্যাপক উত্তেজনা দেখা দিয়ে। স্থানীয় ৰাইজে অভিযোগ উত্থাপন কৰাৰ লগে লগে শতাধিক পুৰুষ- মহিলাই মাদ্ৰাছাৰ বাহিৰত সমবেত হৈ অভিযুক্তৰ গুৰুতৰ শাস্তিৰ দাবীত জোৰদাৰ প্ৰতিবাদ উত্থাপন কৰে।

উল্লেখযোগ্য যে, অভিযুক্ত আমিনুল ইসলাম লেঙতিসিঙাৰ বাসিন্দা আৰু মাদ্ৰাছাৰ শিক্ষক তথা মৌলভী। অভিযোগ অনুসৰি, তেওঁ ছাত্ৰীজনীৰ ওপৰত দীঘলীয়া সময় ধৰি নিৰ্যাতন চলাই আহিছিল। এই খবৰ অঞ্চলটোত বিয়পি পৰা মাত্ৰেই ৰাইজৰ ক্ষোভ বিস্ফোৰিত হয় আৰু প্ৰতিবাদ বেছিকৈ হিংসাত্মক ৰূপ ধাৰে। বিক্ষোভকাৰীসকলে মাদ্ৰাছাৰ ভিতৰত থকা আসবাবপত্র আৰু আন সামগ্রী ভাঙচুৰ কৰে, যাৰ ফলত প্ৰতিষ্ঠানটোৰ গঠনমূলক ক্ষেত্ৰত ব্যাপক ক্ষতি হয়।

ঘটনাস্থলীত যোগিঘোপা থানাৰ আৰক্ষী আৰু জিলা উপৰিস্থিত বিষয়াসকল উপস্থিত হৈ পৰিস্থিতি নিয়ন্ত্ৰণ কৰাৰ চেষ্টা কৰে। আৰক্ষীৰ সক্ৰিয়তাত অৱশেষত পৰিস্থিতি কিছু পৰ্যন্ত নিয়ন্ত্ৰণত আনে।

এই ঘটনাই অঞ্চলটোত চাঞ্চল্য সৃষ্টি কৰিছে আৰু স্থানীয় ৰাইজে দ্ৰুত তদন্ত আৰু ন্যায়িক ব্যৱস্থা গ্ৰহণৰ দাবী জনাইছে।