নিমিষা গোচৰত আৰক্ষীৰ গুলীত আহত আশিক আলী
- আশিক আলী আৰক্ষীৰ গুলীত আহত
- ধাৰাপুৰত পলায়নৰ চেষ্টা কৰাৰ অভিযোগ
- GMCHত চিকিৎসাধীন
- নিমিষা ঠাকুৰীয়া মৃত্যুৰ তদন্ত অব্যাহত
সমগ্ৰ সমাচাৰ সেৱা
গুৱাহাটী, ৬ অক্টোবৰ: গুৱাহাটী বিশ্ববিদ্যালয়ৰ ছাত্ৰী নিমিষা ঠাকুৰীয়াৰ মৃত্যুৰ গোচৰৰ মূল অভিযুক্ত আশিক আলী আৰক্ষীৰ গুলীত আহত হৈছে। মঙলবাৰে পুৱতি নিশা ধাৰাপুৰত আৰক্ষীৰ সৈতে হোৱা ঘটনাত আলীৰ সোঁ ভৰিত গুলী লাগে। আৰক্ষীৰ মতে, তেওঁক লৈ তথ্য সংগ্ৰহৰ বাবে অভিযান চলোৱাৰ সময়ত আলীয়ে আৰক্ষীৰ জিম্মাৰ পৰা পলায়নৰ চেষ্টা কৰিছিল।
GMCHত চিকিৎসাধীন আশিক
গুলীবিদ্ধ আশিক আলীক প্ৰথমে গৰল প্ৰাথমিক স্বাস্থ্য কেন্দ্ৰলৈ নিয়া হয় আৰু পিছত গুৱাহাটী চিকিৎসা মহাবিদ্যালয় আৰু হাস্পতাললৈ (GMCH) স্থানান্তৰ কৰা হয়। চিকিৎসকে তেওঁৰ সোঁ ভৰিত দুটা গুলীৰ আঘাত পোৱা বুলি জানিবলৈ দিছে। বৰ্তমান তেওঁ চিকিৎসাধীন আৰু অৱস্থা সুস্থিৰ বুলি প্ৰকাশ পাইছে।
নিমিষাৰ মৃত্যুৰ তদন্ত অব্যাহত
২১ বছৰীয়া নিমিষা ঠাকুৰীয়াৰ মৃতদেহ ২৫ ছেপ্টেম্বৰত গুৱাহাটীৰ এটা হোমষ্টেৰ পৰা উদ্ধাৰ কৰা হৈছিল। আৰক্ষীৰ তদন্তত আশিক আলীক গ্ৰেপ্তাৰ কৰি ৮ দিনৰ আৰক্ষী জিম্মাত ৰখা হৈছিল। নিমিষাৰ মৃত্যুৰ কাৰণ সন্দৰ্ভত আলীয়ে আত্মহত্যাৰ দাবী কৰিছিল যদিও আৰক্ষীয়ে সেই দাবী এতিয়াও নিশ্চিত কৰা নাই আৰু ঘটনাটোৰ সকলো দিশ তদন্ত কৰি আছে।
About The Author
