শিলচৰ পৌৰ নিগমৰ প্ৰথম নিৰ্বাচনত NDAৰ জয়
- শিলচৰ পৌৰ নিগমৰ প্ৰথম নিৰ্বাচন
- NDAৰ ৩৪টা ৱাৰ্ডত জয়
- কংগ্ৰেছৰ ২টা ৱাৰ্ডত জয়
- দুটা ৱাৰ্ডত পুনৰ গণনাৰ দাবী
সমগ্ৰ সমাচাৰ সেৱা
শিলচৰ, ৬ অক্টোবৰ: অসমৰ শাসকীয় বিজেপি নেতৃত্বাধীন NDA-ই শিলচৰ পৌৰ নিগমৰ প্ৰথম নিৰ্বাচনত বৃহৎ জয় লাভ কৰিছে। মুঠ ৪২টা ৱাৰ্ডৰ ভিতৰত মিত্ৰজোঁটে ৩৪টা ৱাৰ্ডত জয় লাভ কৰে। বিজেপিয়ে ৩০টা আৰু মিত্ৰদল অসম গণ পৰিষদে ৪টা ৱাৰ্ডত জয়লাভ কৰে।
কংগ্ৰেছে লাভ কৰিলে ২টা ৱাৰ্ড
নিৰ্বাচনৰ ফলাফল অনুসৰি কংগ্ৰেছে দুটা ৱাৰ্ডত জয়লাভ কৰাৰ বিপৰীতে নিৰ্দলীয় প্ৰাৰ্থীয়ে ছটা ৱাৰ্ডত জয় লাভ কৰে। দুটা ৱাৰ্ডত বিজেপিৰ প্ৰাৰ্থী বিনা প্ৰতিদ্বন্দ্বিতাৰে নিৰ্বাচিত হোৱাৰ বাবে ৪০টা ৱাৰ্ডতহে ভোটগ্ৰহণ অনুষ্ঠিত হৈছিল।
দুটা ৱাৰ্ডত পুনৰ গণনাৰ দাবী
বিজেপিয়ে ২৯ নম্বৰ আৰু ৩০ নম্বৰ ৱাৰ্ডৰ ফলাফলক লৈ পুনৰ গণনাৰ দাবী জনাইছে। ২৯ নম্বৰ ৱাৰ্ডত নিৰ্দলীয় আৰু ৩০ নম্বৰ ৱাৰ্ডত কংগ্ৰেছ প্ৰাৰ্থীয়ে জয়লাভ কৰিছিল। এই দাবীৰ সন্দৰ্ভত এতিয়াও সিদ্ধান্ত লোৱা হোৱা নাই।
About The Author
