জাগীৰোডত বিশ্বৰ বৃহৎ ছেমিকণ্ডাক্টৰ প্ৰকল্প

জাগীৰোডত বৃহৎ ছেমিকণ্ডাক্টৰ প্ৰকল্প
দৈনিক ৪.৮ কোটি চিপ উৎপাদনৰ সক্ষমতা
ডিচেম্বৰ বা জানুৱাৰীত উদ্বোধনৰ সম্ভাৱনা
অসমত উদ্যোগ আৰু কৰ্মসংস্থাপনৰ নতুন সুযোগ

সমগ্ৰ সমাচাৰ সেৱা

গুৱাহাটী, ৪ অক্টোবৰ: অসমৰ ঔদ্যোগিক আৰু প্ৰযুক্তি খণ্ডত নতুন সম্ভাৱনাৰ দুৱাৰ মুকলি কৰি জাগীৰোডৰ টাটা ছেমিকণ্ডাক্টৰ প্ৰকল্পই বিশ্বজুৰি বিশেষ গুৰুত্ব লাভ কৰিছে। মুখ্যমন্ত্ৰী হিমন্ত বিশ্ব শৰ্মাই জনোৱা অনুসৰি, প্ৰকল্পটো সম্পূৰ্ণ কাৰ্যক্ষম হোৱাৰ পিছত দৈনিক ৪.৮ কোটি পৰ্যন্ত ছেমিকণ্ডাক্টৰ চিপ উৎপাদনৰ সক্ষমতা লাভ কৰিব।

ডিচেম্বৰ বা জানুৱাৰীত উদ্বোধনৰ সম্ভাৱনা

মুখ্যমন্ত্ৰীৰ মতে, জাগীৰোডৰ ছেমিকণ্ডাক্টৰ প্ৰকল্পটো ২০২৬ চনৰ ডিচেম্বৰ বা ২০২৭ চনৰ জানুৱাৰীত প্ৰধানমন্ত্ৰী নৰেন্দ্ৰ মোদীয়ে উদ্বোধন কৰাৰ সম্ভাৱনা আছে। ইতিমধ্যে প্ৰকল্পটোৰ প্ৰথমটো ক্লীন ৰুম সম্পূৰ্ণ হোৱাৰ লগতে পৰীক্ষামূলক চিপ উৎপাদন আৰম্ভ হৈছে।

অসমত নতুন উদ্যোগ আৰু কৰ্মসংস্থাপনৰ সম্ভাৱনা

এই প্ৰকল্পই জাগীৰোডক বিশ্বৰ ছেমিকণ্ডাক্টৰ মানচিত্ৰত স্থান দিয়াৰ লগতে অসমত উন্নত প্ৰযুক্তি আৰু উৎপাদন খণ্ডৰ বিকাশ ত্বৰান্বিত কৰাৰ সম্ভাৱনা আছে। প্ৰকল্পটোৰ জৰিয়তে নতুন কৰ্মসংস্থাপনৰ সুযোগ সৃষ্টি হোৱাৰ লগতে দক্ষ মানৱসম্পদ গঢ়ি তোলাৰ পথো মুকলি হ’ব।