গুৱাহাটী ছাত্ৰদ্বয়ে থাইলেণ্ডত অসম-তা’ই আহোম সম্পৰ্কৰ গৰিমা উজাগৰ কৰিলে

সমগ্ৰ সমাচাৰ সেৱা 

গুৱাহাটী, ১ ছেপ্টেম্বৰ :গুৱাহাটী চেন্ট ভিৱেকানন্দ ইংলিছ একাডেমীৰ দুই ১৫ বছৰীয়া ছাত্ৰ—নীরজ শৰ্মা আৰু অংকিত মণ্ডলে থাইলেণ্ডৰ বৈদেশিক মন্ত্ৰালয়ৰ উচ্চাধিকাৰীসকলৰ আগত অসম-থাইলেণ্ডৰ তা’ই আহোম সম্পৰ্কক কেন্দ্ৰস্থলে আনিবলৈ এক ঐতিহাসিক পদক্ষেপ গ্ৰহণ কৰে। এই ভ্ৰমণৰ সুযোগ তেওঁলোকে ২০২৬ বৰ্ষৰ ‘নমস্তে থাইলেণ্ড কুইজ’-ৰ বিজয়ী হিচাপে লাভ কৰিছিল।

তেওঁলোকে নিজৰ শিক্ষক আৰু স্কুলৰ পূৰ্ব ছাত্ৰী শতাব্দী ডেইৰ সংগত উপস্থিত হৈ, থাই কুটনীতিকসকলক অসমীয়া গামোচা আগবঢ়ায় আৰু ছাত্ৰ শিল্পীৰ দ্বাৰা সৃষ্ট ৫টা মৌলিক চিত্ৰও উপহাৰ দিয়ে। ‘এ ব্ৰিজ অৱাৰ দ্য ব্রহ্মপুত্ৰ এণ্ড দ্য চাও ফ্রাইয়া’ শীৰ্ষক প্ৰেজেন্টেশ্যনত ছাত্ৰদ্বয়ে আহোম ভাষাৰ ‘Mong’ আৰু থাই ভাষাৰ ‘Mueang’-ৰ ভাষাগত মিল আৰু ইতিহাসৰ দিশ উন্মোচন কৰে।

তেওঁলোকে বিশেষকৈ চোৱাৰকুছি মুগা ৰেশম শিল্পী আৰু চিয়াং মাই থাই ৰেশম শিল্পীক সংলগ্ন কৰি দ্বিপাক্ষিক শিল্পী ৰেছিডেঞ্চি আৰু ‘Siam-Brahmaputra Youth League’-ৰ দৰে উদ্যোগৰ গুৱাহাটী ডিক্লেয়াৰেচন প্ৰস্তাৱ কৰে।

থাইলেণ্ড MFA-ৰ মন্ত্ৰী কাউন্সেলৰ টৰচাক জানপিয়ানে ভাৰত-দক্ষিণ-পূৰ্ব এছিয়াৰ দুই হাজাৰ বছৰীয়া সাগৰ বাণিজ্যৰ ইতিহাস আৰু কিংবদন্তী উল্লেখ কৰে। ছাত্ৰদ্বয়ে এয়ুথায়া বিশ্ব ঐতিহ্য স্থান, আয়োধ্যাৰ লগত নামৰ মিল আৰু সাংস্কৃতিক সংযোগো অৱলোকন কৰে।

এই পদক্ষেপে অসম-উত্তৰ-পূৰ্বৰ সাংস্কৃতিক-মৈত্ৰী, ৰেশম শিপা, আৰু ইতিহাসক আন্তঃৰাষ্ট্ৰীয় মঞ্চত নতুন উচ্চতালৈ লৈ গ’ল।