পিএম-ভিবিআৰৱাই সফল ৰূপায়ণ উপলক্ষে ইপিএফঅ’ৰ সংবাদমেল

প্ৰধানমন্ত্ৰী বিকশিত ভাৰত ৰোজগাৰ যোজনা (PM-VBRY)-ৰ সফল ৰূপায়ণ উপলক্ষে গুৱাহাটীত ইপিএফঅ’ আঞ্চলিক কাৰ্যালয়ৰ সংবাদমেল।

১৯ জুনত নতুন দিল্লীৰ বিজ্ঞান ভৱনত অনুষ্ঠিত হ’ব ৰাষ্ট্ৰীয় পৰ্যায়ৰ বিশেষ অনুষ্ঠান।

প্ৰধানমন্ত্ৰীয়ে প্ৰায় ২,৪০০ কোটি টকাৰ প্ৰণোদনা মুকলি কৰিব।
যোগ্য হিতাধিকাৰীৰ মাজত পিএম-ভিবিআৰৱাইৰ সুবিধা বিতৰণ কৰা হ’ব।
দেশজুৰি প্ৰায় ২০০টা স্থানত সমান্তৰালভাৱে অনুষ্ঠান; উত্তৰ-পূৰ্বাঞ্চলত থাকিব ৯টা কেন্দ্ৰ।

গুৱাহাটীত ইপিএফঅ’ৰ সংবাদমেল

সমগ্ৰ সমাচাৰ সেৱা
অসম, ১৯ জুন: প্ৰধানমন্ত্ৰী বিকশিত ভাৰত ৰোজগাৰ যোজনা (PM-VBRY)-ৰ সফল ৰূপায়ণ উপলক্ষে ইপিএফঅ’ (EPFO) আঞ্চলিক কাৰ্যালয়, গুৱাহাটীয়ে আজি এক সংবাদমেলৰ আয়োজন কৰে। সংবাদমেলত ১৯ জুনত নতুন দিল্লীৰ বিজ্ঞান ভৱনত অনুষ্ঠিত হ’বলগীয়া ৰাষ্ট্ৰীয় অনুষ্ঠানৰ বিষয়ে সবিশেষ তথ্য দিয়া হয়।

২,৪০০ কোটি টকাৰ প্ৰণোদনা মুকলি কৰিব প্ৰধানমন্ত্ৰীয়ে
সংবাদমেলত অতিৰিক্ত কেন্দ্ৰীয় পিএফ আয়ুক্ত (উত্তৰ-পূৰ্বাঞ্চল) Shishir Kant Jha-ই জানিবলৈ দিয়ে যে, পিএম-ভিবিআৰৱাইৰ অধীনত যোগ্য হিতাধিকাৰীসকলৰ মাজত সুবিধা বিতৰণ কৰা হ’ব। অনুষ্ঠানত নৰেন্দ্ৰ মোদীয়ে প্ৰায় ২,৪০০ কোটি টকাৰ প্ৰণোদনা আনুষ্ঠানিকভাৱে মুকলি কৰিব।

দেশজুৰি ২০০টা স্থানত সমান্তৰাল অনুষ্ঠান
এই ৰাষ্ট্ৰীয় কাৰ্যসূচীৰ সৈতে সংগতি ৰাখি দেশৰ প্ৰায় ২০০টা স্থানত একেলগে বিশেষ অনুষ্ঠান অনুষ্ঠিত হ’ব। ইয়াৰ জৰিয়তে বিভিন্ন ৰাজ্যৰ হিতাধিকাৰী আৰু নিয়োগদাতাসকলক এই আঁচনিৰ সুবিধা আৰু সফলতাৰ সৈতে সংযুক্ত কৰা হ’ব।

উত্তৰ-পূৰ্বাঞ্চলত ৯টা কেন্দ্ৰ
উত্তৰ-পূৰ্বাঞ্চলীয় অঞ্চলত মুঠ ৯টা স্থানত সমান্তৰাল অনুষ্ঠান অনুষ্ঠিত কৰাৰ ব্যৱস্থা কৰা হৈছে। এই অনুষ্ঠানসমূহৰ জৰিয়তে অঞ্চলটোৰ অধিক সংখ্যক যুৱক-যুৱতী আৰু কৰ্মসংস্থাপন লাভ কৰা লোকসকলক আঁচনিৰ সুবিধাৰ বিষয়ে সজাগ কৰাৰ লক্ষ্য লোৱা হৈছে।

কৰ্মসংস্থাপন বৃদ্ধিৰ দিশত গুৰুত্বপূৰ্ণ পদক্ষেপ
PM-VBRY আঁচনিখনক দেশত আনুষ্ঠানিক খণ্ডৰ কৰ্মসংস্থাপন বৃদ্ধি, সামাজিক সুৰক্ষা ব্যৱস্থা শক্তিশালীকৰণ আৰু নতুন নিয়োগ উৎসাহিত কৰাৰ ক্ষেত্ৰত এক গুৰুত্বপূৰ্ণ পদক্ষেপ হিচাপে বিবেচনা কৰা হৈছে। চৰকাৰৰ মতে, এই আঁচনিয়ে নিয়োগদাতা আৰু কৰ্মচাৰী উভয়কে লাভান্বিত কৰি দেশৰ অৰ্থনৈতিক বিকাশত ইতিবাচক ভূমিকা পালন কৰিছে।