November 22, 2026

Global Assam News

Global and Local Assam News Website

NSGৰ মহিলা কমাণ্ডো প্ৰশিক্ষণত উজলিল অসমৰ চাবিনা ইয়াছমিন

NSGৰ মহিলা কমাণ্ডো প্ৰশিক্ষণত উজলিল অসমৰ চাবিনা ইয়াছমিন
  • NSGৰ প্ৰথম মহিলা কমাণ্ডো কোৰ্ছত চাবিনাৰ সাফল্য।

  • ২৭০গৰাকী প্ৰশিক্ষাৰ্থীৰ মাজত শীৰ্ষস্থান লাভ।

  • ‘বেষ্ট অ’ভাৰঅল ট্ৰেইনী’ সন্মান অৰ্জন।

  • ‘বেষ্ট ইন ফিজিকেল’ সন্মানো লাভ।

সমগ্ৰ সমাচাৰ সেৱা

নগাঁও, ১৫ নৱেম্বৰ: ৰাষ্ট্ৰীয় নিৰাপত্তা বাহিনী (NSG)ৰ প্ৰথমটো মহিলা কমাণ্ডো কনভাৰ্ছন কোৰ্ছত দুটাকৈ শীৰ্ষ সন্মান লাভ কৰি অসমলৈ গৌৰৱ কঢ়িয়াই আনিছে নগাঁও জিলাৰ চাবিনা ইয়াছমিনে। জুৰীয়াৰ দাগাঁও গাঁৱৰ বাসিন্দা চাবিনাই এই প্ৰশিক্ষণ কাৰ্যসূচীত দেশৰ বিভিন্ন প্ৰান্তৰ পৰা নিৰ্বাচিত ২৭০গৰাকী মহিলা আৰক্ষী কৰ্মীৰ মাজত শ্ৰেষ্ঠ প্ৰদৰ্শন আগবঢ়ায়।

এই কৃতিত্বৰ বাবে তেওঁ ‘বেষ্ট অ’ভাৰঅল ট্ৰেইনী’ আৰু ‘বেষ্ট ইন ফিজিকেল’ সন্মানেৰে সন্মানিত হৈছে।

২৭০গৰাকী প্ৰশিক্ষাৰ্থীৰ মাজত শীৰ্ষস্থান

NSGৰ এই বিশেষ প্ৰশিক্ষণ কাৰ্যসূচীত দেশৰ বিভিন্ন ৰাজ্যৰ ২৭০গৰাকী মহিলা আৰক্ষী কৰ্মীয়ে অংশগ্ৰহণ কৰিছিল। কঠোৰ শাৰীৰিক অনুশীলন, অনুশাসন আৰু দক্ষতাৰ পৰীক্ষাত উৎকৃষ্ট প্ৰদৰ্শন কৰি চাবিনাই সামগ্ৰিকভাৱে প্ৰথম স্থান লাভ কৰে।

অসম আৰক্ষীলৈ গৌৰৱ কঢ়িয়াই আনিলে

চাবিনা ইয়াছমিন অসম আৰক্ষীৰ প্ৰথম CDO বেটেলিয়নৰ মহিলা আৰক্ষী কনিষ্টবল। তেওঁৰ এই সফলতাত নগাঁৱৰ দাগাঁও অঞ্চলৰ লগতে সমগ্ৰ জিলাখনত আনন্দৰ পৰিৱেশ সৃষ্টি হৈছে।

তেওঁৰ এই সাফল্যই আৰক্ষী বাহিনীত কৰ্মৰত আন মহিলাসকলকো কঠোৰ পৰিশ্ৰম আৰু নিষ্ঠাৰে আগবাঢ়ি যাবলৈ অনুপ্ৰাণিত কৰিব বুলি আশা কৰা হৈছে।

About The Author

Leave a Reply

Your email address will not be published. Required fields are marked *