মণিপুৰ: মুছলিম সংখ্যাগৰিষ্ঠ বিধানসভা আসনত বিজেপিৰ অভিযান

সমগ্ৰ সমাচাৰ সেৱা,

ইম্ফল, ১৯ জুলাই :তিনিবছৰৰ জাতিগত হিংসাৰ পাছত মণিপুৰত বিজেপিয়ে মুছলিম অধিক লিলং বিধানসভা সমষ্টিত সংযোগ অভিযান আৰম্ভ কৰিছে। শনিবাৰে আয়োজিত কৰ্মী সন্মিলনত মুখ্যমন্ত্ৰী ইউন্ম খেমচন্দ সিঙে কয়, ৰাজ্যবাসীক পুনৰ একত্ৰিত কৰাটো তেওঁৰ মুখ্য লক্ষ্য।

মুখ্যমন্ত্ৰীয়ে কয়, ৰাজ্যত শন্তিৰ পথত কিছুমান স্বাৰ্থান্বেষী শক্তি বাধা দি আছে, কিন্তু তেওঁলোকৰ প্ৰচেষ্টা অব্যাহত থাকিব। তেওঁ বিশ্বাস প্ৰকাশ কৰে—অন্ততঃ সত্য আৰু সততাৰ জয় হব।

মুখ্যমন্ত্ৰীয়ে ১৯৭২ চনৰ পাছত ৰাজ্যৰ প্ৰথম মুখ্যমন্ত্ৰী আৰু লিলংৰ বিধায়ক মহম্মদ আলিমুদ্দিনৰ আদৰ্শ আৰু সকলো সম্প্ৰদায়ে মিলি শান্তিত বাস কৰাৰ মনোভাৱৰ প্ৰশংসা কৰে।

খেমচন্দ সিঙে কয়, তেওঁ অসম সীমান্তৰ জিৰিবাম জিলাত দুইবাৰ গৈ, বিভিন্ন সম্প্ৰদায়ৰ লোকৰ সৈতে সাক্ষাৎ কৰে, উদ্বাস্তু আৰু হিংসা-পীড়িত পৰিয়ালক সাহাৰ্য্য আৰু একতাৰ আহ্বান জনায়।