১৭ বছৰৰ পাছত BWF Worlds উভতি অহা ভাৰতীয় বেডমিন্টনৰ উত্থানৰ নিদৰ্শন: BAI প্ৰধান শৰ্মা

সমগ্ৰ সমাচাৰ সেৱা

গুৱাহাটী,১৮ জুলাই :BWF World Championships ২০২৬ আৰম্ভ হোৱাৰ কেৱল ৩০ দিন বাকী থাকোতেই, ভাৰতীয় বেডমিন্টন সংঘ (BAI)-এ শনিবাৰে আনুষ্ঠানিকভাৱে প্ৰতিযোগিতাটিৰ মাচকট “Peacko” আৰু অফিচিয়েল সংগীত উন্মোচন কৰিলে। এই বছৰ নতুন দিল্লীত অনুষ্ঠিত হ’বলগীয়া BWF বিশ্ব চেম্পিয়নশ্বিপছত ৫৬খন দেশৰ ৪০০তকৈ অধিক খেলুৱৈ, শতাধিক বিষয়ববীয়া, কোচ আৰু সহায়ক কৰ্মচাৰী অংশগ্ৰহণ কৰিব বুলি আশা কৰা হৈছে।

BAI প্ৰধান আৰু অসম মুখ্যমন্ত্ৰী হিমন্ত বিশ্ব শৰ্মাই মাচকট আৰু থিম সং উন্মোচনৰ সময়ত ব্যক্ত কৰে যে “Peacko” বিশ্বজুৰি বেডমিন্টন অনুৰাগীৰ মাজত প্ৰতিযোগিতাটিৰ এক দীঘলীয়া প্ৰতীক হৈ উঠিব। তেওঁ কয়, “মোৰ আশা, আমাৰ মাচকটে অনুৰাগীসকলৰ সৈতে তৎক্ষণাত সংযোগ স্থাপন কৰিব পাৰে।”

শর্মাই এই অনুষ্ঠানক ভাৰতীয় ক্ৰীড়াৰ বাবে গৌৰৱৰ মুহূর্ত বুলি আখ্যা দিয়ে। তেওঁ কয়, ১৭ বছৰৰ পাছত BWF Worlds’ৰ উভতি অহা কেৱল এক প্ৰতিযোগিতাৰ উভতি অহা নহয়, ই ভাৰতীয় বেডমিন্টনৰ উত্থান উদযাপন।

BAI প্ৰধান হিচাপে নিজৰ কাৰ্যকালৰ কথা উল্লেখ কৰি শৰ্মাই কয়, সংগঠনটোৱে গ্ৰাসৰুট বিকাশ, আন্তঃৰাষ্ট্ৰীয় প্ৰতিযোগিতা আয়োজন আৰু দেশত শক্তিশালী বেডমিন্টন পৰিৱেশ গঢ়ি তোলাৰ লক্ষ্যৰে আগবাঢ়িছে। তেওঁ বেডমিন্টনক “জনগণৰ খেল” বুলি অভিহিত কৰে, যি বিদ্যালয়, কলেজ, গাঁও, উদ্যান, সমাজত সকলোতে খেলা হয়।

শর্মাই ভাৰতীয় বেডমিন্টনৰ আন্তঃৰাষ্ট্ৰীয় সাফল্যৰ বিভিন্ন মাইলফলক, যেনে বিশ্ব চেম্পিয়ন উৎপাদন, ঐতিহাসিক থমাছ কাপ জয়, BWF বিশ্ব জুনিয়ৰ চেম্পিয়নশ্বিপছত প্ৰথম পদক, বিশ্ব ফেডাৰেশ্যনৰ বিশ্বাসযোগ্য হোস্ট হিচাপে উত্থান আদিও উল্লেখ কৰে। “লক্ষ্য সেন, চিৰাগ শেঠী, সত্উক্সাইৰাজ ৰাংকিৰেড্ডী নেতৃত্বাধীন ১৬ সদস্যৰ ভাৰতীয় দল তাৰ এই গৌৰৱময় ঐতিহ্য আৰু ওপৰলৈ লৈ গৈছে,” বুলি তেওঁ কয়।

তেওঁ আৰু যোগ কৰে যে ২০২৫ চনৰ BWF World Junior Championships সফলভাৱে আয়োজন কৰাৰ পিছত, ২০২৬ চনৰ বিশ্ব চেম্পিয়নশ্বিপছ আয়োজনৰ জৰিয়তে ভাৰতে বিশ্বমানৰ ক্ৰীড়া অনুষ্ঠান আয়োজনত নিজৰ সক্ষমতা পুনৰ প্ৰতিপন্ন কৰিছে।