মণিপুৰৰ ছেনাপতিত অসম ৰাইফলছ শিবিৰত সংঘৰ্ষ

সমগ্র সমাচাৰ সেৱা

ইম্ফল, ১৫ জুলাই:মণিপুৰৰ ছেনাপতি জিলাৰ মাকুইলংডি অঞ্চলত অসম ৰাইফলছৰ অভিযানৰ পিছত মঙলবাৰে নিশা ব্যাপক শিল নিক্ষেপ, ভাঙচুৰ আৰু অগ্নিসংযোগৰ ঘটনা সংঘটিত হয়। সন্ধান অভিযানৰ সময়তে স্থানীয় ৰাইজ, বিশেষকৈ মহিলাসকল, বাহিনীৰ আগত বাধা সৃষ্টি কৰে।

ৰক্ষী বাহিনীয়ে শিবিৰৰ বাহিৰত থকা বাহনত আগুনি লগোৱাৰ লগতে ওচৰৰ ৱেটিং শেডতো অগ্নিসংযোগ কৰে। উত্তেজিত ভিৰে অসম ৰাইফলছ শিবিৰলৈ আগবাঢ়ি আহিলে বাহিনীয়ে সংযম প্ৰদর্শন কৰি স্থানীয় প্ৰতিনিধিসকলৰ সৈতে আলোচনা কৰে আৰু অপৰিহাৰ্য অৱস্থাত ফাঁকা গুলী আৰু টিয়াৰগেছ প্ৰয়োগ কৰি ভিৰ বিতৰণ কৰে।

এসময়ত, ছেনাপতি আৰক্ষী আৰু ছিআৰপিএফকো ঘটনাস্থলীত ততাতৈয়াকৈ মোতায়েন কৰা হয়। অসম ৰাইফলছ, মণিপুৰ আৰক্ষী আৰু ছিআৰপিএফৰ সমন্বিত প্ৰচেষ্টাত পৰিস্থিতি মদ্ধ্যাত নিয়ন্ত্ৰণত আনে আৰু নিশা মধ্যৰাতিৰ আগতে সম্পূৰ্ণ ভিৰ বিতৰণ কৰা হয়।

ডিফেন্স পিআৰ’ৰ অনুসৰি, এই সংঘৰ্ষৰ ঘটনাত কোনো নাগৰিক বা বাহিনীৰ লোক আহত হোৱা নাই। অভিযুক্ত বাহিনীৰ মতে, অঞ্চলটোত অস্ত্ৰধাৰী দলৰ চলাচল আৰু যুদ্ধবিরতি নিয়ম উলংঘনৰ সন্দেহত অভিযান চলোৱা হৈছিল।