গুৱাহাটীৰ পৰা নিখোজ হোৱা চাৰি কিশোৰীক ২৪ ঘণ্টাৰ ভিতৰতে উদ্ধাৰ অসম আৰক্ষীৰ
Oplus_131072
- গুৱাহাটীৰ বশিষ্ঠ অঞ্চলৰ পৰা নিখোজ হোৱা
- চাৰি কিশোৰীক উদ্ধাৰ অসম আৰক্ষীৰ
নিখোজ হোৱাৰ ২৪ ঘণ্টাৰ ভিতৰতে - পশ্চিমবংগৰ হাওড়াৰ পৰা উদ্ধাৰ
আটাইকেইগৰাকী একে বিদ্যালয়ৰ ছাত্ৰী আৰু বশিষ্ঠ-বেহাৰবাৰী এলেকাৰ বাসিন্দা - ২ জুনৰ পুৱা বিদ্যালয়লৈ ওলাই যোৱাৰ পিছত ঘৰলৈ উভতি অহা নাছিল
- অভিভাৱকৰ অভিযোগৰ ভিত্তিত বশিষ্ঠ আৰক্ষীয়ে আৰম্ভ কৰিছিল তদন্ত
- ঘটনাক লৈ অধিক তথ্য শীঘ্ৰেই প্ৰকাশ কৰা হ’ব বুলি আৰক্ষীৰ জাননী
বশিষ্ঠ-বেহাৰবাৰী এলেকাৰ ছাত্ৰীসকলক পশ্চিমবংগৰ হাওড়াৰ পৰা সুৰক্ষিতভাৱে উদ্ধাৰ
সমগ্ৰ সমাচাৰ সেৱা
গুৱাহাটী, ৩ জুন: গুৱাহাটীৰ বশিষ্ঠ অঞ্চলৰ পৰা নিখোজ হোৱা চাৰি গৰাকী নাবালিকা ছাত্ৰীক সফলতাৰে উদ্ধাৰ কৰিছে অসম আৰক্ষীয়ে। ২ জুনত নিখোজ হোৱা ছাত্ৰীসকলক পশ্চিমবংগৰ হাওড়া অঞ্চলৰ পৰা সুৰক্ষিতভাৱে উদ্ধাৰ কৰা হয়, যাৰ ফলত পৰিয়ালবৰ্গৰ মাজত স্বস্তিৰ পৰিৱেশ সৃষ্টি হৈছে
বিদ্যালয়লৈ ওলাই গৈ উভতি অহা নাছিল
জানিব পৰা মতে, ছাত্ৰীকেইগৰাকী বশিষ্ঠ-বেহাৰবাৰী অঞ্চলৰ বাসিন্দা আৰু Beltola Majhipara Middle English Schoolৰ ছাত্ৰী। ২ জুনৰ পুৱা বিদ্যালয়লৈ যোৱাৰ উদ্দেশ্যে ঘৰ এৰি ওলাই যোৱাৰ পিছত তেওঁলোক ঘৰলৈ উভতি অহা নাছিল।
ইয়াৰ পিছতে উদ্বিগ্ন অভিভাৱকসকলে বশিষ্ঠ থানাত অভিযোগ দাখিল কৰে।
২৪ ঘণ্টাৰ ভিতৰতে হাওড়াত সন্ধান
অভিযোগ লাভ কৰাৰ লগে লগে অসম পুলিচ আৰু বশিষ্ঠ আৰক্ষীয়ে ব্যাপক অনুসন্ধান অভিযান আৰম্ভ কৰে। তদন্তৰ ভিত্তিত ছাত্ৰীকেইগৰাকীৰ অৱস্থান চিনাক্ত কৰি পশ্চিমবংগৰ হাওড়াৰ পৰা সুৰক্ষিতভাৱে উদ্ধাৰ কৰিবলৈ সক্ষম হয়।
নিখোজ হোৱাৰ মাত্ৰ ২৪ ঘণ্টাৰ ভিতৰতে আৰক্ষীয়ে এই সফলতা লাভ কৰাটো বিশেষভাৱে উল্লেখযোগ্য বুলি গণ্য কৰা হৈছে।
অধিক তথ্য শীঘ্ৰেই প্ৰকাশ
ঘটনাটোৰ বিষয়ে অধিক তথ্য জানিবলৈ সংবাদ মাধ্যমৰ ফালৰ পৰা আৰক্ষীৰ সৈতে যোগাযোগ কৰা হৈছিল যদিও তদন্তৰ স্বাৰ্থত আৰক্ষীয়ে বৰ্তমান অধিক তথ্য প্ৰকাশ কৰিবলৈ অস্বীকাৰ কৰে।
তথাপিও, বিষয়টোৰ সম্পৰ্কে অধিক তথ্য অতি সোনকালে ৰাজহুৱা কৰা হ’ব বুলি আৰক্ষীসূত্ৰে জানিবলৈ দিয়ে।
পৰিয়ালবৰ্গৰ মাজত স্বস্তি
ছাত্ৰীকেইগৰাকীক সুৰক্ষিতভাৱে উদ্ধাৰ কৰিব পৰা হোৱাৰ ফলত পৰিয়ালবৰ্গ আৰু স্থানীয় বাসিন্দাসকলৰ মাজত স্বস্তিৰ পৰিৱেশ সৃষ্টি হৈছে। ঘটনাটোৱে পুনৰবাৰ নাবালক-নাবালিকাৰ সুৰক্ষা আৰু সচেতনতাৰ বিষয়টোক গুৰুত্বসহকাৰে উত্থাপন কৰিছে।
About The Author
