গুৱাহাটীত চাইবাৰ অপৰাধৰ সন্দেহত দুজন আটক

গুৱাহাটীত দুজন যুৱক আটক
চাইবাৰ অপৰাধৰ সৈতে সম্ভাব্য সংযোগৰ সন্দেহ
প্ৰায় ৭০টা মোবাইল ফোন জব্দ
আৰক্ষীৰ তদন্ত অব্যাহত

সমগ্ৰ সমাচাৰ সেৱা

গুৱাহাটী, ৭ অক্টোবৰ: গুৱাহাটীৰ গড়চুক আৰক্ষীয়ে মঙলবাৰে ব্ৰহ্মপুত্ৰ হাউছিং কলনীত অভিযান চলাই চাইবাৰ অপৰাধৰ সৈতে জড়িত থকাৰ সন্দেহত দুজন যুৱকক আটক কৰে। অভিযানকালত আৰক্ষীয়ে প্ৰায় ৭০টা মোবাইল ফোন, বহু পৰিচয়পত্ৰ, পেন ড্ৰাইভ, ষ্টাম্প আৰু চেকবুক জব্দ কৰে।

ফ্লেটত অভিযান, বহু সামগ্ৰী জব্দ

আৰক্ষীয়ে জিল্লাত আলম আৰু তাহিদ ৰাজীৱ আলমৰ ফ্লেটত তালাচী চলাই এই সামগ্ৰীসমূহ উদ্ধাৰ কৰে। ইয়াৰ লগতে যথেষ্ট পৰিমাণৰ নগদ ধনো জব্দ কৰা বুলি জানিব পৰা গৈছে। জব্দ কৰা ইলেক্ট্ৰনিক সামগ্ৰী আৰু নথিপত্ৰসমূহ আৰক্ষীয়ে পৰীক্ষা কৰি আছে।

তদন্ত অব্যাহত

আৰক্ষীৰ সন্দেহ অনুসৰি দুয়োজন যুৱকৰ চাইবাৰ অপৰাধৰ সৈতে সম্ভাব্য সংযোগ আছে। অৱশ্যে তেওঁলোকৰ সঠিক ভূমিকা বা কোনো নিৰ্দিষ্ট অপৰাধত জড়িত থকাৰ বিষয়টো এতিয়াও নিশ্চিত হোৱা নাই। তদন্তৰ পিছতহে এই সন্দৰ্ভত অধিক তথ্য স্পষ্ট হ’ব।