শ্ৰীভূমিত আৰক্ষীৰ পৰা পলাবলৈ চেষ্টা, ড্ৰাগছ অভিযুক্ত গুলীবিদ্ধ
- ড্ৰাগছ অভিযুক্ত বাপ্পী গুলীবিদ্ধ
- ১০ হাজাৰ সন্দেহযুক্ত Yaba টেবলেট উদ্ধাৰ
- আৰক্ষীৰ পৰা পলোৱাৰ অভিযোগ
- OCৰ ৰিভলভাৰ কাঢ়ি নিয়াৰ চেষ্টা
সমগ্ৰ সমাচাৰ সেৱা
শ্ৰীভূমি, ৬ অক্টোবৰ: ড্ৰাগছ সৰবৰাহৰ গোচৰত গ্ৰেপ্তাৰ কৰা বাপ্পী নমঃশূদ্ৰ নামৰ এজন অভিযুক্ত আৰক্ষীৰ গুলীত আহত হয়। আৰক্ষীৰ মতে, ৰাতাবাৰী অঞ্চলত আৰক্ষীৰ জিম্মাৰ পৰা পলায়নৰ চেষ্টা কৰাৰ সময়তে তেওঁৰ ভৰিত গুলী লাগে।
১০ হাজাৰ সন্দেহযুক্ত Yaba টেবলেট উদ্ধাৰ
আৰক্ষীয়ে নিৱিয়া–চেৰাগী পথত অভিযান চলাই বাপ্পীক গ্ৰেপ্তাৰ কৰাৰ লগতে প্ৰায় ১০ হাজাৰ সন্দেহযুক্ত Yaba টেবলেট উদ্ধাৰ কৰিছিল। জেৰাৰ সময়ত অভিযুক্তজনে ঘৰত আৰু অধিক নিচাজাতীয় সামগ্ৰী মজুত থকাৰ কথা জনোৱা বুলি আৰক্ষীয়ে কয়।
OCৰ ৰিভলভাৰ কাঢ়ি পলোৱাৰ অভিযোগ
আৰক্ষীৰ ভাষ্য অনুসৰি, নিশা অভিযুক্তক অধিক নিচাজাতীয় সামগ্ৰী উদ্ধাৰৰ বাবে তেওঁৰ ঘৰলৈ লৈ যোৱাৰ সময়ত নিৱিয়া বজাৰ পাৰ হোৱাৰ পিছত তেওঁ বাহন ৰখাবলৈ কয়। বাহন ৰখোৱাৰ পিছত আৰক্ষীৰ এজন জোৱানক কামুৰি তেওঁ পলাবলৈ চেষ্টা কৰাৰ লগতে ৰাতাবাৰী থানাৰ OC চিত্তৰঞ্জন বৰাৰ ছাৰ্ভিচ ৰিভলভাৰ কাঢ়ি নিয়াৰ চেষ্টা কৰে বুলি অভিযোগ উঠিছে। পলায়ন ৰোধ কৰিবলৈ আৰক্ষীয়ে গুলী চলোৱাত তেওঁৰ ভৰিত গুলী লাগে। পিছত চিকিৎসাৰ বাবে তেওঁক শিলচৰ মেডিকেল কলেজ হাস্পতাললৈ প্ৰেৰণ কৰা হয়।
About The Author
