ই-মিথানল প্ৰকল্পেৰে সেউজ জাহাজ পৰিবহণৰ প্ৰস্তুতি
- কাণ্ডলাত ১৫০ টিপিডি ই-মিথানল প্ৰকল্প
- অসম পেট্ৰ’কেমিকেলছ আৰু দীনদয়াল বন্দৰ কৰ্তৃপক্ষৰ সহযোগিতা
- সামুদ্ৰিক পৰিবহণৰ বাবে কম-কাৰ্বন ইন্ধনৰ লক্ষ্য
- সেউজ শক্তি আৰু সামুদ্ৰিক ডিকাৰ্বনাইজেচনৰ দিশত অসমৰ অগ্ৰগতি
সমগ্ৰ সমাচাৰ সেৱা
গুৱাহাটী, ২৬ ছেপ্টেম্বৰ: ভাৰতৰ সেউজ সামুদ্ৰিক পৰিবহণৰ ক্ষেত্ৰত এক নতুন অধ্যায়ৰ সূচনা কৰিবলৈ সাজু হৈছে অসম। গুজৰাটৰ কাণ্ডলাস্থিত দীনদয়াল বন্দৰত অসমৰ চৰকাৰী প্ৰতিষ্ঠান অসম পেট্ৰ’কেমিকেলছ লিমিটেডে (APL) প্ৰতিদিনে ১৫০ টন উৎপাদন ক্ষমতাসম্পন্ন ই-মিথানল প্ৰকল্প স্থাপনৰ প্ৰস্তুতি চলাইছে।
দীনদয়াল বন্দৰ কৰ্তৃপক্ষৰ সৈতে সহযোগিতা
নামৰূপস্থিত অসম পেট্ৰ’কেমিকেলছ লিমিটেডে দীনদয়াল বন্দৰ কৰ্তৃপক্ষৰ সহযোগত প্ৰকল্পটো ৰূপায়ণ কৰিব। ২০২৬ চনৰ জানুৱাৰীতে দুয়োপক্ষৰ মাজত এই সন্দৰ্ভত বুজাবুজিৰ চুক্তি স্বাক্ষৰিত হৈছিল। ইয়াৰ পাছতে কাণ্ডলাত প্ৰকল্পটোৰ স্থান-সম্পৰ্কীয় কাম আৰম্ভ কৰা হয়।
পৰিৱেশবান্ধৱ সামুদ্ৰিক ইন্ধনৰ সম্ভাৱনা
ই-মিথানলক তুলনামূলকভাৱে কম কাৰ্বন নিৰ্গমন কৰা সামুদ্ৰিক ইন্ধনৰ বিকল্প হিচাপে বিবেচনা কৰা হৈছে। বন্দৰ পৰিৱেশৰ ভিতৰত স্থাপন হ’বলগীয়া এই প্ৰকল্পটোৱে পৰিষ্কাৰ ইন্ধনৰ ক্ৰমবৰ্ধমান চাহিদা পূৰণত সহায় কৰিব পাৰে। নবীকৰণযোগ্য উৎসৰ পৰা উৎপাদন কৰিলে ইয়াৰ জীৱনচক্ৰভিত্তিক সেউজগৃহ গেছ নিৰ্গমনো কম হোৱাৰ সম্ভাৱনা আছে।
১৫০ টন দৈনিক উৎপাদন ক্ষমতাৰ এই প্ৰকল্পটোক পৰম্পৰাগত মিথানল উৎপাদনৰ পৰা উদীয়মান সেউজ ইন্ধন প্ৰযুক্তিৰ দিশে অসমৰ অগ্ৰসৰৰ এক গুৰুত্বপূৰ্ণ পদক্ষেপ হিচাপে গণ্য কৰা হৈছে।
About The Author
