গুৱাহাটীত CJP নেতা আশুতোষ ৰাংকা
- গুৱাহাটীত উপস্থিত CJP নেতা আশুতোষ ৰাংকা
- ২৭ ছেপ্টেম্বৰত আঞ্চলিক স্বেচ্ছাসেৱক সভা
- আথগাঁৱত অনুষ্ঠিত হ’ব সভাখন
- দলীয় সংগঠন আৰু কাৰ্যকলাপ সন্দৰ্ভত আলোচনা
সমগ্ৰ সমাচাৰ সেৱা
গুৱাহাটী, ২৬ ছেপ্টেম্বৰ: কক্ৰ’চ জনতা পাৰ্টি (CJP)-ৰ নেতা আশুতোষ ৰাংকা আজি গুৱাহাটীত উপস্থিত হৈছে। তেওঁ ২৭ ছেপ্টেম্বৰত অনুষ্ঠিত হ’বলগীয়া দলটোৰ আঞ্চলিক স্বেচ্ছাসেৱক সভাত অংশগ্ৰহণ কৰিব।
আথগাঁৱত অনুষ্ঠিত হ’ব সভা
প্ৰাপ্ত তথ্য অনুসৰি, ২৭ ছেপ্টেম্বৰৰ পুৱা ১০ বজাৰ পৰা গুৱাহাটীৰ আথগাঁৱৰ খৰ্গ চৌধুৰী ৰোডস্থিত অসম শ্ৰী পৰশুৰাম সেৱা সদনত এই সভা অনুষ্ঠিত হ’ব। সভাখনত বিভিন্ন অঞ্চলৰ CJPৰ স্বেচ্ছাসেৱকসকলে অংশগ্ৰহণ কৰাৰ কথা।
সভাখনৰ মূল উদ্দেশ্য হৈছে দলৰ সদস্য আৰু স্বেচ্ছাসেৱকসকলৰ মাজত মত-বিনিময়ৰ লগতে সংগঠনটোৰ বিভিন্ন কাৰ্যকলাপ সন্দৰ্ভত আলোচনা কৰা।
কেইবাগৰাকীও নেতাৰ অসম ভ্ৰমণ
ইয়াৰ পূৰ্বে ২৩ ছেপ্টেম্বৰত CJPৰ চাৰিগৰাকী সদস্য অসমত উপস্থিত হৈছিল। তেওঁলোক হৈছে অংকিত ভৰদ্বাজ, আকাশ প্ৰেম, বৰুণ আগৰৱাল আৰু আনাম। ৰাংকাৰ উপস্থিতিয়ে ২৭ ছেপ্টেম্বৰৰ আঞ্চলিক স্বেচ্ছাসেৱক সভাখনক অধিক গুৰুত্ব প্ৰদান কৰিছে।
সভাখনত CJPৰ সংগঠন সম্পৰ্কীয় বিষয়, ৰাজ্যখনত দলটোৰ কাৰ্যকলাপ আৰু স্বেচ্ছাসেৱকসকলৰ সৈতে সমন্বয়ৰ বিভিন্ন দিশত আলোচনা হোৱাৰ সম্ভাৱনা আছে। অনুষ্ঠানস্থলীৰ ঠিকনা হৈছে ১৫, খৰ্গ চৌধুৰী ৰোড, আথগাঁও, গুৱাহাটী।
About The Author
