শ্বিলঙৰ LEAPGDNS আলোচনা চক্ৰত মুখ্যমন্ত্ৰী হিমন্ত বিশ্ব শৰ্মাৰ অংশগ্ৰহণ

শ্বিলঙত অনুষ্ঠিত LEAPGDNS আলোচনা চক্ৰত অংশগ্ৰহণ মুখ্যমন্ত্ৰী ড° হিমন্ত বিশ্ব শৰ্মাৰ।
কেন্দ্ৰীয় বিত্ত মন্ত্ৰী নিৰ্মলা সীতাৰমণৰ উপস্থিতিত অনুষ্ঠিত হয় আলোচনা।
মেঘালয়, মিজোৰাম, নাগালেণ্ড, ছিকিম আৰু ত্ৰিপুৰাৰ মুখ্যমন্ত্ৰীসকলেও অংশ লয়।
উত্তৰ-পূৰ্বাঞ্চলৰ অভূতপূৰ্ব বিকাশ আৰু নতুন সম্ভাৱনাৰ ওপৰত আলোকপাত
অসম আৰু উত্তৰ-পূৰ্বাঞ্চলৰ সাম্প্ৰতিক বিকাশ আৰু ৰূপান্তৰৰ বিষয়ে বক্তব্য ৰাখে
মুখ্যমন্ত্ৰীয়ে।প্ৰধানমন্ত্ৰী নৰেন্দ্ৰ মোদীৰ নেতৃত্বত অঞ্চলটোৰ উন্নয়নৰ নতুন দিশ উন্মোচিত হোৱাৰ কথা উল্লেখ।

শ্বিলঙত অনুষ্ঠিত উচ্চ পৰ্যায়ৰ আলোচনা চক্ৰ

সমগ্ৰ সমাচাৰ সেৱা

অসম,১৯ জুন:মেঘালয়ৰ শ্বিলঙত অনুষ্ঠিত LEAPGDNS আলোচনা চক্ৰত অসমৰ মুখ্যমন্ত্ৰী ড° হিমন্ত বিশ্ব শৰ্মাই অংশগ্ৰহণ কৰে। এই আলোচনা চক্ৰত কেন্দ্ৰীয় বিত্ত মন্ত্ৰী নিৰ্মলা সীতাৰমণ উপস্থিত থকাৰ লগতে মেঘালয়, মিজোৰাম, নাগালেণ্ড, ছিকিম আৰু ত্ৰিপুৰাৰ মুখ্যমন্ত্ৰীসকলেও অংশগ্ৰহণ কৰে।

উত্তৰ-পূৰ্বাঞ্চলৰ বিকাশৰ চিত্ৰ দাঙি ধৰিলে মুখ্যমন্ত্ৰীয়ে
আলোচনা চক্ৰখনত বক্তব্য ৰাখি মুখ্যমন্ত্ৰী ড° হিমন্ত বিশ্ব শৰ্মাই কয় যে দেশৰ প্ৰধানমন্ত্ৰী নৰেন্দ্ৰ মোদীৰ দূৰদৰ্শী নেতৃত্বত অসম আৰু সমগ্ৰ উত্তৰ-পূৰ্বাঞ্চলে এক নতুন যুগৰ বিকাশ, ৰূপান্তৰ আৰু অগ্ৰগতিৰ সাক্ষী হৈছে।

তেওঁ উল্লেখ কৰে যে বিগত কেইবছৰমানত অঞ্চলটোৰ যোগাযোগ ব্যৱস্থা, আন্তঃগাঁথনি, বিনিয়োগ, শিক্ষা, স্বাস্থ্য আৰু উদ্যোগ খণ্ডত উল্লেখযোগ্য উন্নয়ন সাধিত হৈছে। ইয়াৰ ফলত উত্তৰ-পূৰ্বাঞ্চলৰ ৰাজ্যসমূহৰ বাবে নতুন নতুন সম্ভাৱনা আৰু সুযোগৰ দুৱাৰ মুকলি হৈছে।

আঞ্চলিক সহযোগিতা আৰু উন্নয়নৰ ওপৰত গুৰুত্ব
মুখ্যমন্ত্ৰীয়ে লগতে কয় যে উত্তৰ-পূৰ্বাঞ্চলৰ ৰাজ্যসমূহৰ মাজত সমন্বয় আৰু সহযোগিতা বৃদ্ধি কৰাটো সামগ্ৰিক বিকাশৰ বাবে অতি প্ৰয়োজনীয়। LEAPGDNSৰ দৰে মঞ্চই ৰাজ্যসমূহক অভিজ্ঞতা বিনিময় আৰু উন্নয়নৰ নতুন কৌশল নিৰ্ধাৰণত সহায় কৰে বুলি তেওঁ মত প্ৰকাশ কৰে।

নতুন ভাৰতৰ বিকাশ যাত্ৰাত উত্তৰ-পূৰ্বাঞ্চল
আলোচনা চক্ৰখনত অংশগ্ৰহণকাৰী নেতাসকলে উত্তৰ-পূৰ্বাঞ্চলক দেশৰ বিকাশৰ এক গুৰুত্বপূৰ্ণ কেন্দ্ৰ হিচাপে গঢ়ি তোলাৰ ক্ষেত্ৰত কেন্দ্ৰ আৰু ৰাজ্য চৰকাৰসমূহৰ যৌথ প্ৰচেষ্টাৰ ওপৰতো গুৰুত্ব আৰোপ কৰে। মুখ্যমন্ত্ৰী ড° হিমন্ত বিশ্ব শৰ্মাই নতুন ভাৰত গঢ়াৰ যাত্ৰাত অসম আৰু উত্তৰ-পূৰ্বাঞ্চলে আগবঢ়াই নিয়া অৱদানৰ কথাও উল্লেখ কৰে।