ড্ৰোনেৰে ডাক আৰু পাৰ্চেল বিতৰণৰ নতুন যুগ আৰম্ভ

হিমাচল প্ৰদেশত ড্ৰোনৰ জৰিয়তে ডাক আৰু পাৰ্চেল বিতৰণ সেৱা আৰম্ভ।
কেন্দ্ৰীয় যোগাযোগ মন্ত্ৰী জ্যোতিৰাদিত্য সিন্ধিয়াই আনুষ্ঠানিকভাৱে এই পদক্ষেপ ঘোষণা কৰে।
দূৰ্গম আৰু পাহাৰীয়া অঞ্চললৈ দ্রুত আৰু সুলভভাৱে ডাক সেৱা প্ৰদানৰ লক্ষ্য।
ভাৰতীয় ডাক বিভাগৰ আধুনিকীকৰণৰ ক্ষেত্ৰত এক গুৰুত্বপূৰ্ণ পদক্ষেপ।
ড্ৰোন প্ৰযুক্তিৰ ব্যৱহাৰে বিতৰণ ব্যৱস্থাৰ দক্ষতা বৃদ্ধি পাব বুলি আশা।

হিমাচল প্ৰদেশত ভাৰতীয় ডাক বিভাগৰ ড্ৰোন-ভিত্তিক সেৱা মুকলি কৰিলে কেন্দ্ৰীয় মন্ত্ৰী জ্যোতিৰাদিত্য সিন্ধিয়াই

সমগ্ৰ সমাচাৰ সেৱা
নতুন দিল্লী, ১৪ জুন: দেশৰ ডাক ব্যৱস্থাক অধিক আধুনিক আৰু কাৰ্যক্ষম কৰি তোলাৰ লক্ষ্যৰে ভাৰতীয় ডাক বিভাগে হিমাচল প্ৰদেশত ড্ৰোন-ভিত্তিক ডাক আৰু পাৰ্চেল বিতৰণ সেৱা আৰম্ভ কৰিছে। এই কথা কেন্দ্ৰীয় যোগাযোগ মন্ত্ৰী জ্যোতিৰাদিত্য সিন্ধিয়াই নতুন দিল্লীত ঘোষণা কৰে।

মন্ত্ৰীগৰাকীয়ে কয় যে ড্ৰোন প্ৰযুক্তিৰ সহায়ত পাহাৰীয়া আৰু দূৰ্গম অঞ্চলসমূহলৈ ডাক, নথিপত্ৰ আৰু পাৰ্চেল অধিক দ্ৰুততাৰে পঠিয়াব পৰা যাব। ইয়াৰ ফলত বহু দূৰ-দূৰণিৰ অঞ্চলৰ বাসিন্দাসকলে সময়মতে ডাক সেৱাৰ সুবিধা লাভ কৰিব।

তেওঁ লগতে উল্লেখ কৰে যে এই পদক্ষেপে ভাৰতীয় ডাক বিভাগৰ ডিজিটেল আৰু প্ৰযুক্তিনিৰ্ভৰ ৰূপান্তৰ প্ৰক্ৰিয়াক অধিক শক্তিশালী কৰিব। বিশেষকৈ প্ৰাকৃতিক দুৰ্যোগ বা যাতায়াত ব্যৱস্থা ব্যাহত হোৱা সময়ত ড্ৰোনৰ সহায়ত অত্যাৱশ্যকীয় সামগ্ৰী আৰু নথিপত্ৰ পঠিয়াব পৰা যাব।
ড্ৰোন-ভিত্তিক এই সেৱাই ভাৰতৰ ডাক ব্যৱস্থাত এক নতুন অধ্যায়ৰ সূচনা কৰাৰ লগতে আগন্তুক দিনত দেশৰ আন ৰাজ্যসমূহতো এনে সেৱা সম্প্ৰসাৰণৰ পথ সুগম কৰিব বুলি আশা কৰা হৈছে।